ابنة البلوجر هبة السيد: اطلقت من بابا واتجوزت غيره عشان تزود المشاهدات

ملف البلوغر هبة السيد

كشفت التحقيقات في قضية البلوجر هبة سيد صاحبة قناة أم زياد وهبة بمواقع التواصل الاجتماعي، أقوال ابنة المتهمة هبة السيد والتي تدعي حبيبة ح. ع، البالغة من العمر 15 عاما، التي اتهمت والدتها أمام جهات التحقيق، بالحقد عليها، قائلة: ماما قعدتني من المدرسة عشان تطلع النقص اللي عندها فيا، عشان في سني كانت خدامة.

التحقيقات في قضية البلوجر هبة السيد

وينشر القاهرة 24 أقوال ابنة البلوجر هبة السيد بالتحقيقات في القضية التي حملت رقم 7944 لسنة 2023 مركز الخصوص، والمتهمة فيها البلوجر هبة سيد صاحبة قناة أم زياد وهبة، وابنها وزوجها.

وجاءت أقوال ابنة البلوجر هبة السيد بالتحقيقات في القضية كالآتي:

وقالت ابنة البلوجر هبة السيد: الفيديو اللي نزل وكان سبب في التشهير بيا ده كان سببه إن ماما وبابا في بينهم خلافات كتير أوي من ساعة ما اتطلقوا ومن ساعتها المشاكل ما هديتش خالص، الموضوع ده ابتدى لما ماما كانت بتنزل فيديوهات ليها لما اتجوزت عم حسن بتاع المطبخ اللي كان بيركبلها المطبخ الجديد في شقتنا الجديدة.

وأضافت: كانت بتقول في الفيديو إنها اتجوزت شخص تاني غير بابا عشان الناس تنساه خالص، وإن الشخص ده جابلها شقة في القاهرة ودهب كتير وبتقول إنه له إخوات كتير وده كله عشان تلمع صورته قدام الناس وفي نفس الوقت مكنتش بتقول اسمه قدام الناس وده لأن هو مش معرف غير أمه وأبوه بالجوازة دي ومش قايل لحد من بقية أهله بخصوص الجوازة وده لأنه مجبلهاش أي حاجة ومدفعش أي حاجة حتى فلوس المأذون هي دفعها.

وتابعت: وده کله عشان تتطلع صورة أبويا وحشة قدام الناس والمشاهدين وعشان الناس تبقى متشوقة تعرف مين جوزها الجديد اللي جبلها كل ده وعشان المشاهدات تزيد، وفي الوقت ده أنا مشفتش الفيديو لا أنا ولا أخويا، وأبويا هو اللي شافه لما كنا عنده وساعتها أبويا شاف الفيديو ومعجبوش إنها بتعيب فيه وبتشكر في اللي اتجوزته جدید ده، وخصوصا إن أبويا عارف جوزها الجديد كويس وإنه شحات وجعان وإن أمي هي اللي بتصرف عليه وعاملة منه حاجة قدام الناس وبتعيب في أبويا.

تعديل المقال